الفنان ياسر جلال الذي لم يغيره بريق الفن ولا مقعد البرلمان

بواسطةhalgendy2000

كتب/ حسن الجندي 

الفنان ياسر جلال زار زميله الفنان بدوي فهمي في المستشفى وإدانا درس حقيقي في الجدعنة والأخوة.

الحكاية بدأت لما الفنان بدوي فهمي مر بوعكة صحية صعبة مع الداء الخبيث، وناشد زملائه الفنانين في الوسط الفني يساعدوا زميلهم.

 ياسر جلال من أسرع الناس اللي تحركوا، وأعلن تكفله الكامل برحلة عـ.ـلاجه وتوفير كل الرعاية الطبية اللي محتاجها.

 الموضوع مكنش مجرد دعم مالي، لكنه كان موقف إنساني حقيقي من فنان بيقدر زملائه وبيفتكر العشرة.

الجدعنة موقفلتش عند كده، ياسر جلال حرص بنفسه على زيارة بدوي فهمي في المستشفى عشان يطمن عليه بعد العملية الجـ.ـراحية اللي أجرها خلال الأيام اللي فاتت.

وانتشر فيديو الزيارة على مواقع التواصل الاجتماعي لمس قلوب ناس كتير، وظهرت فيه الفرحة في عين بدوي فهمي وهو بيستقبل ياسر جلال هو وأسرته.

بدوي فهمي وجه رسالة مؤثرة جدًا لياسر جلال، وقال بثقة إن ياسر هو أبو الكرم كله، وشهد له بأخلاقه اللي اتغيرتش من أكتر من 35 سنة، من وقت ما اشتغلوا مع بعض في مسلسل “لن أعيش في جلباب أبي”.

بدوي حكى وقال إن ياسر جلال مدخلنيش بس المستشفى، ده قبل ما أوصل بيتي كان باعتلي الدعم، ودائمًا في كل عمل بيعمله بيبادر ويقول :هاتوا بدوي معايا.

موضوعات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *