اسرائيل بتقول انها اغتالت المرشد وعدد من قادة الحرس الثوري، وتصريحات للأمريكان والصهاينة بإن إيران خلال الـ 24 ساعة القادمين هيتم قصفها بأكبر عدد من القنابل في التاريخ!
كتب / خالد الجندي
🔴 اسرائيل بتقول انها اغتالت المرشد وعدد من قادة الحرس الثوري، وتصريحات للأمريكان والصهاينة بإن إيران خلال الـ 24 ساعة القادمين هيتم قصفها بأكبر عدد من القنابل في التاريخ!
🔸️ وفي المقابل، إيران بتقول ان كل الصواريخ اللي استعملتها لحد دلوقتي هي خردة، وإن اللي جاي هي “أسلحة جديدة غير متوقعة ولم يتم الكشف عنها من قبل”…
خليني أديلك شوية تحديثات سريعة ومركزة لكل اللي حصل في الحرب بشكل مؤكد لحد دلوقتي بالدقيقة والمصادر، بتاريخ (28 فبراير 2026 الساعة 5 مساءً): 👇
1️⃣ نبدأ من عند الصهاينة…
تقارير للقناة 12 العبرية ورويترز ووسائل إعلام عبرية بيتكلموا عن زلزال أمني في طهران، وانهم تجحوا في اغتيال المرشد الأعلى “علي خامنئي” نفسه، وإن فرص نجاته من الضربة (صفر)… ومش بس المرشد، دول بيقولوا انهم اغتالوا وزير الدفاع الإيراني، وقائد الحرس الثوري، وحاولوا يغتالوا الرئيس مسعود بزشكيان…
🟢 إيران بعدها مباشرة نفت رسميًا اغتيال المرشد، وفي كلام إنه هيطلع بنفسه يعمل خطاب للشعب كمان شوية، وكمان “يوسف بزشكيان” إبن الرئيس الإيراني طلع في تصريحات وأكد إن والده نجا من محاولة الاغتيال… أنا هنا بقولك الطرفين بيقولوا أيه، والساعات الجاية هتثبت مين اللي بيكدب ومين الصادق…
🔹️ المهم بقى إن الصهاينة من شوية نشروا قائمة بالمستهدفين من ضمن القادة الإيرانيين، ومن ضمنهم الاسماء والمناصب التالية: 👇
(المرشد خامنئي، الرئيس بزشكيان، علي شمخاني مستشار خامنئي وعقل الملف النووي (وفي كلام انه مات فعلًا)، وزير الدفاع أمير نصير زاده (تم تأكيد مقتله فعلًا)، قائد القوات البرية، رئيس إيران السابق أحمدي نجاد، ورئيس المخابرات الإيرانية، بالإضافة لقائد الحرس الثوري محمد باكبور (تم تأكيد مقتله))…
🟠🔵🟥 كمان عملوا حاجة تانية بخصوص مصر… حسب تقرير لسه نازل من دقايق لشبكة اقتصاد الشرق مع بلومبرج، إسرائيل أوقفت ضخ الغاز الطبيعي إلى مصر لأجل غير مسمى اعتباراً من صباح اليوم..
2️⃣ طيب رد إيران على كل ده أيه؟!
الحرس الثوري ومستشار القائد العام صرحوا إن الصواريخ اللي إيران ضربتها لحد دلوقتي هي “خردة” ومن المخزون القديم، وهدفها فقط إشباع الدفاعات الجوية الإسرائيلية والأمريكية ودفاعات القواعد العسكرية في الخليج، وإنهم هيستخدموا أسلحة مفاجئة وجديدة قريباً…
🟣 وبعدها مباشرةً الجيش الإيراني أعلن رسمياً بدء عملية هجومية غير تقليدية بإطلاق عشرات الطائرات المسيرة والصواريخ باتجاه الأراضي المحتلة ومصالح الكيان الصهيوني في المنطقة…
🟡 كمان في تقارير صحفية لسه مش متأكد منها، بتقول إن في أنباء عن توقف حركة ناقلات النفط تماماً في مضيق هرمز… ودي لو حصلت فهي هتبقى كارثة تجارية واقتصادية حقيقية هتأثر على العالم كله…
4️⃣ طيب أيه الأهداف المعلنة اللي إيران بتضربها دلوقتي عشان ناخد بالنا؟
إيران حددت بنك أهداف واسع يشمل (مواقع الكيان داخل فلسطين المحتلة، القواعد أمريكية في البحرين، قطر، الكويت، الإمارات، السعودية، الأردن، والعراق)…
🔸️ طيب أيه اللي اتضرب فعلًا؟!
🟢 1. الإمارات العربية المتحدة:
دبي وأبو ظبي تم قصفهم كذا مرة، وحسب وسائل الإعلام العربية زي الجزيرة والقاهرة الإخبارية والشرق للأخبار، تم سماع دوي انفجارات ضخمة في دبي (3 انفجارات) وأبو ظبي، وتصاعد أعمدة دخان قبالة سواحل أبو ظبي…
بعدها مباشرةً وزارة الدفاع الإماراتية أعلنت اعتراض موجة صواريخ بنجاح، وسقوط الشظايا في مناطق (جزيرة السعديات، مدينة خليفة، بني ياس، مدينة محمد بن زايد، والفلاح) بدون إصابات.
طيران الإمارات بالفعل علق رحلاته من وإلى دبي بسبب إغلاق المجال الجوي. وسكان الإمارات كلهم استلموا رسائل عاجلة على موبايلاتهم بضرورة الاحتماء والابتعاد عن النوافذ…
🔵 2. قطر:
قاعدة العديد الأمريكية (أكبر قاعدة عسكرية أمريكية في المنطقة) تعرضت لقصف مباشر، والمضادات الأرضية اشتبكت مع الصواريخ في سماء الدوحة، ولسه من شوية منزل فيديو للصواريخ وهي بتقع على دماغ الناس بعد ما تم اعتراضها.. هتلاقيه البوست اللي قبل ده مباشرةً…
🔴🔴🔴 المفاجأة الكبرى واللي هتفرحك أكيد، هي إن الحرس الثوري أعلن نجاحه في تدمير الرادار الأمريكي FP-132 (المخصص لتتبع الصواريخ الباليستية) في قطر بالكامل… وده واحد من أقوى الرادارات الأمريكية على الإطلاق، وتدميره صفعة على وجه أمريكا ومصالحها، وخسارة لوجيستية كبيرة!
🔹️ كمان في تقارير (غير مؤكدة) بتقول بمقتل 20 جندي إيطالي من قوات الناتو في الضربة القاعدة بقطر… وغالبًا ممكن دي تكون دعاية صهيونة من لجان الهازبارا لتبرير تدخل أوروبي من الناتو ضد إيران… فـ خلي بالك…
آخر حاجة حصلت هي إن السلطات في قطر أعلنت وقف الدراسة وتحويلها كلها لـ أونلاين وإلغاء الباقي من فعاليات شهر رمضان…
🟠 3. البحرين:
مقر قيادة الأسطول الأمريكي الخامس في قاعدة الجفير اتعرضت لقصف عنيف وصواريخ أصابت أهدافها بدقة، وفي كلام ان القاعدة اتأثرت بشكل كبير…
🟣 4. السعودية:
وكالة الأنباء السعودية أعلنت التصدي لهجوم إيراني استهدف الرياض والمنطقة الشرقية، والخارجية السعودية اصدرت بيان يدين الهجمات الإيرانية “الجبانة” على الأراضي السعودية… وفي المقابل وكالة “تسنيم” الإيرانية نشرت فيديوهات قالت إنها لاستهداف قاعدة الملك فهد في الطائف!
بعدها مباشرةً ولي العهد محمد بن سلمان أجرى اتصالات بقادة الإمارات والبحرين وقطر والكويت والأردن، وأكد وضع كل إمكانيات المملكة لمساندتهم… وأيوه اتصل مباشرة بمحمد بن زايد حاكم الإمارات وقاله كده…
⚫️ 5. الكويت:
قاعدة علي السالم اتعرضت لرشقة صاروخية والدفاع الجوي الكويتي تصدى لها…
🔴 6. العراق:
مطار أربيل اتقصف مرتين، وإيران قالت إن الرد مستمر بسبب وجود قاعدة أمريكية هناك بتضرب صواريخ تجاه إيران… وفي نفس الوقت قوات حزب الله العراقي أعلنت انضمامها للعمليات ضد القوات والقواعد العسكرية الأمريكية…
🟡 7. سوريا:
تقارير للجزيرة بتؤكد سقوط 4 شهداء مدنيين وجرحى في محافظة السويداء بسبب سقوط أجزاء من صاروخ إيراني بعد ما تم اعتراضه، على بناية في المنطقة الصناعية هناك… ربنا يرحمهم يا رب…
🔵 8. فلسطين المحتلة:
لحد دلوقتي وحسب الفيديوهات من هناك، تم احتراق 28 حافلة في تل أبيب بضربة صاروخية، وتقارير عن فشل المنظومات الدفاعية (آيرون دوم وTHAAD) في اعتراض صواريخ باليستية إيرانية، وتم تدمير مبنى كامل في شمال إسرائيل من 9 أدوار…
🔸️ بعدها مباشرةً كتـ.ـائـ.ـب القـ.ـسـ.ـام أعلنت تضامنها مع إيران…
🔴 في النهاية عايز أقولك ان إحنا دلوقتي قدام حرب شاملة مفيهاش أي خطوط حمراء، والرئيس الفرنسي ماكرون لسه من شوية قايل تصريحات ان في فرنسا في حالة تأهب وانها مستعدة للتدخل لحماية شركائها القريبين لو طلبوا منها ده…
🔹️ ولو ربطت ده بالخبر بتاع الـ 20 جندي إيطالي التابعين لحلف الناتو، هتفهم احنا رايحين على فين… ممكن تحصل هجمة من الناتو كمان على إيران خلال الساعات اللي جاية…
خلينا متابعين مع بعض، ولما يكون في جديد هعرفك وهنحلل اللي بيحصل مع بعض، ف خليك متابع هنا..
#علام
