حسن المستكاوي يكشف السبب وراء ضياع فرص منتخب مصر في مباراة إثيوبيا - زاجل الإخباري

علق حسن المستكاوي، الناقد الرياضي، على مسميات منتخبات مصر الشائعة في الفترة الأخيرة، قائلا: «بغض النظر عن اللاعبين اللي هيلعبوا، في النهاية اسم الفريق هو منتخب مصر، وده بيخليك بتمثل مصر كلها، مفيش حاجة اسمها منتخب مصر الأول، أو منتخب مصر الثاني، أو حلمي طولان أو حسام حسن، التسمية دي كلها بتتسبب في شخصنة المسائل، وإحنا لازم نبعد عن الكلام ده».

الأنانية سبب ضياع الفرص في مباراة إثيوبيا

وأوضح «المستكاوي»، في تصريحات إذاعية عبر راديو «أون سبورت إف إم»: «إحنا سجلنا هدفين من ضربتين جزاء، لكن ضاع مننا حوالي 5 أو 7 أهداف بسبب الأنانية في اللعب، وفي رغبة عند بعض نجوم المنتخب، أنهم يعملوا شو لنفسهم، وده بيخليهم يبالغوا في المراوغة والترقيص، مع إنك ممكن توصل الكرة لزميلك بدل ما تضيع الفرصة».

وأضاف الناقد الرياضي: «اللاعبين الأربعة اللي في الهجوم ما عدا محمد صلاح، كانوا السبب في ضياع معظم الفرص، خاصة مرموش وتريزيجيه اللي بيضيعوا كتير، في حين إن صلاح كان مختلفا تماما، خاصة أنه قدم 4 أو 5 تمريرات خلال المباراة».

موعد مباراة مصر وبوركينا فاسو

ويستعد منتخب مصر لخوض مباراة حاسمة مساء اليوم الثلاثاء، في تمام الساعة 7 مساءً، ضمن التصفيات الإفريقية المؤهلة لكأس العالم 2026، وفي حالة الفوز يحصل المنتخب على بطاقة التأهل مباشرة إلى المونديال، المقام في الولايات المتحدة الأمريكية وكندا والمكسيك.