مجدي عبدالغني: الخطيب ملعبش لوحده.. والأهلي مش هيقف على حد - زاجل الإخباري

شن مجدي عبدالغني، لاعب الأهلي ومنتخب مصر الأسبق، هجومًا ناريًا على من وصفهم بـ«الكتائب الإلكترونية»، بسبب الانتقادات التي طالت تصريحاته الأخيرة، وكذلك تصريحات عدد من نجوم الأهلي السابقين، وعلى رأسهم حسام غالي.

مجدي عبدالغني: فين الغلط في كلام حسام غالي؟

وقال عبدالغني في تصريحات تليفزيونية، إن ما قاله حسام غالي لم يكن خاطئًا، مضيفًا: «فين الغلط في اللي قاله حسام غالي؟ هو بيتكلم عن مبادئ الأهلي، اللي المفروض كل حد داخل النادي يحافظ عليها، مش يخربها، اللي بيهاجمونا مش عايزين غير صوت واحد بس، وأي حد يقول رأي مختلف يتهاجم على طول».

وأضاف: «أنتوا عايزين تعملوا بوتقة تجمع أسماء زي مجدي عبدالغني، مصطفى يونس، حسام غالي، وطاهر أبوزيد، ومحمد عمارة، وتقولوا إننا ضد الأهلي؟ كلنا ضحينا، لعبنا بروح وقلب، وسيبنا أهالينا في أصعب الظروف علشان النادي، ومحمود الخطيب مكانش بيلعب لوحده، هو كان نجم، لكن كان معاه فريق كامل».

مجدي عبدالغني: علمتونا في الأهلي لما نشوف غلط نتكلم

وأكد عبدالغني أن مبادئ الأهلي التي تربى عليها جيله، كانت تقتضي عدم السكوت على الخطأ، مضيفًا: «علمتونا إننا لما نشوف حاجة غلط نتكلم، يبقى دلوقتي لما نتكلم نُتهم إننا ضد النادي؟».

ورغم انتقاده لبعض الممارسات، شدد عبدالغني على احترامه الكامل لمحمود الخطيب، قائلًا: «محدش يقدر يزايد على الخطيب، أسطورة حقيقية، وقدم الكثير للنادي كلاعب ومسؤول ورئيس».

واختتم عبدالغني تصريحاته بالتأكيد على أن الأهلي كيان لا يتوقف عند أي اسم مهما كان، قائلًا: «النادي الأهلي لا يقف عند صالح سليم، ولا مختار التتش، ولا حسن حمدي، ولا عند أتخن تخين.. الأهلي ماشي بولاده وهيفضل كبير بيهم، عمره ما يتوقف على شخص».