يتقدم الاستاذ/حسن الجندي

رئيس مجلس إدارة موقع وجريدة زاجل الاخباري

الاستاذ/ حسين عطا القراط

رئيس التحرير

الاستاذ / علاء قنديل

مدير التحرير

وجميع أسرة التحرير بالموقع

بأسمي ايات التهنئة القلبية لسيادة النائب

ياسر منصور قدح

علي فوزه في انتخابات مجلس النواب 2025

سائلين المولى عز وجل أن يوفقه ويسدد خطاه وان يكون عنوان مشرف للدائره التي يمثلها ( مركز طوخ وقها ) وأن يوفق في إنجاز جميع ما يلزم الدائرة بصورة تعكس سماته الشخصية

وفيما يلي كلمة معالي النائب التي نشرها علي صفحته الشخصية عقب إعلان النتيجة وإعلان فوزه .

شكرًا طوخ وقها… شكرًا لكل صوت وثقة، الفوز بداية الطريق مش نهايته، ثقتكم أمانة وتكليف، والعمل والمسؤولية والتحدي عنوان المرحلة اللي جاية، ونائبكم بينكم ومنكم ولأجلكم، والبداية مسؤولية علينا كلنا.

أهلي وناسي في طوخ وقها، من قلبي بقولكم شكرًا… شكرًا على الثقة اللي منحتوهالي، وشكرًا لكل إيد نزلت وشاركت، ولكل قلب صدّق، ولكل صوت قال كلمته، ولكل واحد ما قدرش ينزل لكنه كان حاضر بالدعاء والكلمة الطيبة.

النجاح في الانتخابات دي مش نهاية المشوار… ده أول خطوة في طريق طويل، طريق مليان شغل ومسؤولية وتحديات، وطريق محتاج صبر وإصرار وشغل يومي حقيقي على الأرض، وسط الناس.

من اللحظة دي، ثقتكم في رقبتي أمانة كبيرة، وأوعدكم إني أكون دايمًا عند حسن ظنكم، قريب منكم زي ما كنت، بين الناس مش بعيد عنهم، أسمع قبل ما أتكلم، وأتحرك قبل ما أوعد، وبيتي هيبقى مفتوح، وقلبي قبل مكتبي، ومفيش بيني وبينكم أبواب مقفولة ولا مسافات.

وبأكدها بوضوح ومن غير لبس: أنا نائب بإذن الله لكل أهالي طوخ وقها، اللي اختارني، واللي اختار غيري، واللي نزل، واللي ما نزلش، لأن الخدمة حق للجميع، والتمثيل مسؤولية كاملة مش اختيار.

المرحلة اللي جاية محتاجة إيد في إيد، وتكاتف ومشاركة حقيقية بين نائب وأهله، علشان نقدر نواجه التحديات ونحقق اللي يستحقه أهل طوخ وقها من اهتمام وخدمات وتمثيل يليق بيهم.

وبجدد شكري وامتناني ليكم كلكم مليون مرة، وبسأل ربنا يوفقني، ويقدرني أكون على قد الثقة، ويخلي اللي جاي أحسن بينا وبكم.

وشعاري النهاردة تحديدا … ان دي بداية شغل… مش نهاية انتخابات.

والله وليّ التوفيق.

ياسر منصور قدح