نظرية النافذة المكسورة ونقد بناء . دكتور / شريف الجندي

كتب دكتور / شريف الجندي 

       نظرية النافذة المكسورة

        Broken window theory

عالم النفـس والاجتماع الشهـير فيلـيب زيمباردو صاحب التجربة 📈 الشهـيرة بتجربة ستانفورد عمل تجربة تانـية مهـمة في السبعينـيات.. وطلع منها بنظرية👓 سماها نظرية النافذة المكسورة مهـمه جدا لكل زوج وزوجـة .. في علاقـتهم مع بعضهم وتربيـتهم لأولادهم 👨‍👩‍👧‍👦 تربية صحيحة وتعديل سلوكهم.

⚘️ زيمـباردو جاب عربيـتين 🚕 🚗 واحدة

      سابها في حي فقير، والتانية في حي غني

      العربيتـين كانوا متسـابين مفتوحـين 🚕

      وبدون لوحات معدنية:

– 🚗 العربـية الموجـودة في الحي الفقـير بدأ المـارة يخربـوا فيـها… والأطفال ياخدوا منها حاجات وخلال كام يوم كانت العربية خربت تماماً.

– العربـية التانيـة 🚕 إللي في الحـي الـغـنـي محـدش قـرب منـها.. زيـمبـاردو كـسر زجـاج العربية عشان يعمل حافز للناس للتدخل الناس لما أخدت بالها إن الشبـاك مكسور بدؤوا يقربوا من العربية 🚕 وبدأت عملية التـخريـب… وخـلال كـام يـوم برضـه، كانت العربية خربت تماماً زي إللي كانت موجودة في الحي الفقير.

⚘️ في الثمانينيات فيه 2 علماء تانيين: چيمس

      ويلسون، وچورچ كيلـينج .. أخدوا التجـربة

      دي وكـرروها بأشـكال مخـتلـفة على مبـاني

      🏢 أو حاجـات تانـيـة في أحيـاء مختـلفة

      وفي كل مرة كانـت بتحصل نفس النتـيجة

     📄 وجـود حاجة مكسـورة بيكـون حافـز

       للناس إنها تبدأ التكسير والتخريب يعني

      مشكلة صغيرة تم إهمالها وعدم معالجتها

      كانت حافـز لحدوث مشاكل أكبر وسلوكيات

      تانية غير منضبطة المشكلة الصغيرة بترسل

      رسـالة خفـية بتقـول إن مفيـش حـد مهـتم

      بالحاجة دي، إعمل إللي إنت عايزه.

⚘️ تخـيل مكـان نظـيف جـداً وانـت في إيـدك

      علـبة سجـاير فاضـية، هتـفكر 1000 مـرة

      🤔 قـبل ما تـرميـها فـي الأرض، بـس لـو

      لقيت كيس شيبسي مرمي في الأرض🍟

      هتكون الاحتمالات أكتر بكتير إنك ترميها

      في نفس المكان.

⚘️ إللي بيركب مواصلة عامة🚍 ويلاقي فيها

      حالة من الاهتـمام.. بيتـعامل معاها بحـرص

      لأنه شايف👀 إن فيه اهتمام .. أما لو لقى

      الشباك مكسور 🪟 أو الكرسي مقطـوع💺

      ومحدش مهتم هتكون احتمالية إنه يخرب

      فيها أكتر بكتير.

⚘️ إهمال معالجة أي مشكلة مهما كانت صغيرة

      في بيـئة معـينة.. هيخـلي النـاس عندهم لا

      مبالاة 🫩 تجاه البيـئة دي وتعاملهم معاها

      هيكون سلبي… معالـجة المشاكل الصغـيرة

      فـوراً بيـخلق مشـاعر إيجـابـية عند النـاس

      تجـاه البـيـئة دي.. وتعاملـهم معـاها هيكون

      بحرص وإيجابي.

⚘️ لو انت بعد ما تشـرب الشاي بتشيل المج

      بتاعك وتغسـله أول بأول.☕. هيفـضل

      البيت نظيـف ولو بتركنه جنبك .. وتقوم

      تستعمل واحد تاني وتركنه هو كمان☕

     ☕ هتيجي لحظة تلاقي الموضـوع كبر

      ومحتاج وقت ومجهود للتنظيف.

⚘️ … إهمـال المشـاكـل الصغـيرة في العـلاقـات

      الإنسانية بيخليها تتـراكم.. وتتحول لمشاكل

      كبيـرة صعـب حلها. كل العلاقات المقـطوعة

      والنهايات السلبية كان ممكن تنتهي من أول

      يوم لو طبقـنا النظـرية دي… وسمـعـنا كـلام

      علماء السلوك 🧑‍🎓.

⚘️ أي نافذة مكسـورة🪟 في حياتك بتكون

      دعوة غير مباشرة للإهمال والسلبية تجاه

      الجزء إللي فيه الكسـر ده.. إصلاحه فـوراً

      بيخلـيك تحافـظ عليه أطول فترة ممكنة

      وتاخد بالك من أي مشاكل ممـكن تحـصل

      فيه.

⚘️ لو بصـيت حواليك 👀 هتلاقي أمثلة كتير

      جداً للنوافذ المكسورة🪟 وازاي كانت هي

      العامل المحفـز الأساسي 🔥 لمشكلة تانية

      أكـبـر بكـتـير… تجـاهـل المشاكـل الصـغيـرة

      النهارده هيؤدي إلى مشاكل أكبر بكتـير فى  المستقبل.