يا ولاد الصهيونية… اسرائيل طلعت هي اللي ضربت أرامكو السعودية ولبستها لإيران!

كتب دكتور / شريف الجندي

يا ولاد الصهيونية… اسرائيل طلعت هي اللي ضربت أرامكو السعودية ولبستها لإيران!

خد شوف المفاجأة دي يا صاحبي.. من شوية وكالة “تسنيم” الإيرانية المقربة من الحرس الثوري فجرت قنبلة من العيار الثقيل، لما نشرت تصريحات لمصدر عسكري بيقول إن الهجوم اللي حكيتلك عنه وحصل النهارده الصبح على منشآت “أرامكو” في “رأس تنورة”؛ ده صناعة إسرائيلية 100%!

 إيران بتقول ان الضربة دي هي عبارة عن عملية “علم مزيف” (False Flag) متخطط لها بالمللي… وعمليات العلم المزيف دي مقصود بيها ضربات تضليلية هدفها الخداع وتضليل الخصم وابعاد النظر عن الفاعل الحقيقي…

المصدر الإيراني بيقول إن الإسرائيليين هما اللي نفذوا الضربات دي عشان يلبسوا التهمة في طهران، والهدف الخبيث من ورا ده هو توريط دول الخليج في صراع مباشر مع الإيرانيين، وإجبارهم على انهم ينضموا للحرب مع أمريكا ويطلبوا حمايتها بعد ما بدأت الثقة تتهز في الدور الأمريكي اللي انسحب من الخليج وسابهم يواجهوا الضربات لوحدهم وراح يحمي اسرائيل!

 تخيل انت، بعد ما الخليج دفعلهم تريليونات (5 تريليون دولار استثمارات مباشرة)، راحت أمريكا تحمي اسرائيل وسايبة الخليج يدافع عن نفسه عادي، لدرجة ان لسه من شوية قطر والإمارات كانوا بيطلبوا المساعدة من (حلفاءهم) عشان يساعدوا في التصدي للهجمات الإيرانية على الأهداف الأمريكية على أرضهم!

والموضوع موقفش هنا… المصدر الاستخباراتي الإيراني حذر من إن الدور الجاي على “ميناء الفجيرة” في الإمارات، وإن إسرائيل مجهزة ضربة هناك بنفس الأسلوب عشان تأكد للعالم إن أمن الخليج كله في خطر بسبب إيران، وتقلب الدنيا عليهم أكتر.. وأكيد دي مش الضربات الوحيدة، واسرائيل أكيد نفذت بلاوي تانية من اللي حصلت عشان تلبسها لإيران..

 طب ليه الصهاينة بيعملوا كل ده؟!

حسب التقرير اللي هيسبهولك في أول كومنت  طهران شايفة إن إسرائيل بتعاني من نقص في الذخيرة وضغط عسكري رهيب، فمصلحتها الوحيدة دلوقتي هي حرق المنطقة وتشتيت الأنظار عن اللي هي بتعمله من خلال فتح جبهات جانبية تشيل عنها الحمل…

والمشكلة ان الضربات دي جت في وقت حساس جدًا، في وسط ما السعودية كانت لسه بتعلن عن توسعات في حقل “الجافورة”، وده معناه إن الهدف كمان ضرب الاقتصاد العالمي ورفع أسعار البترول للسما… وده اللي بيحصل فعلًا…