مدرب مصري يحصل علي الدوري الارجنتيني مع بوكا جونيورز
كتب د شريف الجندي
فى عز انشغال الناس بـ حسام حسن و على ماهر و قائمه المنتخب … كان فيه عظمه بتحصل ف الارجنتين امبارح و بصراحه لازم تاخد حقها و كل الناس تعرفها :
اللى قدامكو ده المدرب المصرى ” عمرو مختار ” مدرب فريق بوكا جونيور الأرجنتيني و ف نفس الوقت محلل أداء الفريق … طبعا اول مره تسمعوا عنه صح ؟
الراجل ده فاز امبارح مع بوكا جونيور بالدورى الارجنتينى و الراجل ده تريـ ـند ف الارجنتين دلوقت و كل الناس بتتكلم عنه لأنه محلل أداء شاطر … امبارح بوكا جونيور كان محتاج فوز عشان يتوج بـ الدورى الارجنتينى مكنش ينفع تعادل أو هزيمه لازم فوز … و فعلا قدر فريق بوكا جونيور يخطف هدف الفوز ف الثانيه الأخيرة و الهدف ده شرحه محلل الأداء المصرى ” عمرو مختار ” قبل الماتش و قدر يوصل لـ لاعبيه بوكا جونيور نقط ضعف الفريق اللى قدامهم … و فعلا لاعبيه بوكا جونيور نفذت كلامه و لعبوا على نقطه الضعف دى و قدروا يسجلوا اغلى هدف في تاريخ بوكا جونيور و هو هدف الفوز بالدورى الارجنتينى … و ف وسط الاحتفالات كان شايل علم مصر على كتفه و بيحتفل بيه … و الاجمل أنه بعد الماتش عمل لقاء و قال :
” في أحلام بتاخد سنين … ف في أحلام بتاخدك لآخر الدنيا …
وحلمي أنا خدني من مصر لحد لا بومبونيرا …
أول بطولة مع بوكا جونيور و إن شاء الله اللي جاي أكتر …
الراجل ده لازم ياخد حقه و الناس تعرفه و اعتقد ٩٠ ٪ من الناس اول مره تسمع عنه دلوقت من كلامى … الراجل ده ميقلش عن عماد النحاس أو اى مدرب مشرفنا بره مصر …
و لو محدش من الاعلام هيعطيه حقه فى انا هنا اعطيه حقه و زياده لانه عمل إنجاز لازم كل الناس تعرفه 👌❤️
