هل الرادارات الأمريكية كانت السبب في الجفاف اللي حصل في العراق وتركيا وإيران؟!.

بواسطةhalgendy2000

كتب دكتور/شريف الجندي 

في موضوع خطير جدًا العالم كله بيتكلم عنه دلوقتي، وهو الزيادة الضخمة وغير المعتادة في كميات الأمطار اللي نزلت مؤخرًا على العراق وتركيا وإيران، الفكرة ان ده حصل بعد تدمير الرادارات الأمريكية خلال فترة الحرب.

الفكرة كمان ان اللي حصل مكنش مجرد أمطار عادية، دي كانت كميات مهولة!، لدرجة إن في بحيرات كانت جافة تمامًا مفيهاش نقطة مياه رجعت واتملت بالكامل، زي بحيرة زمار في الموصل، اللي الفرق فيها قبل وبعد كان صادم.

الأغرب من كده إن إيران نفسها اللي بقالها سنين طويلة بتعاني من جفاف شديد وقلة أمطار، بقت دلوقتي بتشوف أمطار شبه يومية، لدرجة إن السدود عندهم اتملت على آخرها وبدأت تحصل فيضانات، وكل ده حصل بعد ضرب الرادارات.

وكل ده بيرجعنا لتصريح قديم للرئيس الإيراني السابق محمود أحمدي نجاد سنة 2011، لما قال إنه مش منطقي إن الأمطار تختفي فجأة بالشكل ده، واتهم وقتها دول إنها بتتدخل و”تسرق السحب” بهدف إحداث جفاف ومجاعات داخل إيران.

وبرغم ان الموضوع مفيش عليه أي دليل علمي، لكن اللي بيحصل في العالم أخر ٦ سنين يخلينا نفكر في أي موضوع بيطرح ونديله اهتمام، حتى لو مفيش عليه دليل علمي..

خصوصاً اننا بنتكلم عن 3 دول كانوا بيعانوا من جفاف واضح!، والنهارده لو سألت أي حد عايش هناك عن كمية الأمطار اللي نزلت خلال آخر 20 يوم، وقارنتها بمتوسط الأمطار في آخر 10 سنين، هتلاقي فرق كبير جدًا، يخلي الموضوع يستحق التفكير والتساؤل.

وهنا بييجي السؤال المهم:

هل كل اللي حصل ده مجرد صدفة؟، ولا فيه فعلاً علاقة بين ضرب الرادارات الأمريكية وبين التغير المفاجئ في الطقس ونزول الأمطار بالشكل ده؟.

موضوعات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *