*إزاي تحفّز موظف من غير ما تزود مرتبه؟* . دكتور/ حمدي جادالله

بواسطةhalgendy2000

كتب دكتور/ حمدي جادالله

*إزاي تحفّز موظف من غير ما تزود مرتبه؟*

مش كل تحفيز يبقى فلوس!

في شركات بتدفع مرتبات عالية… وموظفينها محبطين!

وشركات تانية مرتباتها عادية… والناس فيها بتشتغل بحماس رهيب .

شوف يا صديقى الموضوع ببساطة ان :

التحفيز (Motivation) نوعين:

• مادي (فلوس – بونص)

• معنوي (تقدير – بيئة شغل – فرص نمو)

والحقيقة ان التحفيز المعنوي ساعات بيبقى أقوى بكتير!

طيب زى إيه الحاجات اللي تحفّز الموظف فعلاً؟

1- التقدير (Recognition)

كلمة “شغل ممتاز” قدام الفريق ممكن تفرق أكتر من مكافأة صغيرة

2- الإحساس بالقيمة

إنه حاسس إن شغله ليه تأثير مش مجرد “ترس” في ماكينة

3- فرص التطور (Growth)

كورسات – تدريب – ترقي …..الناس بتحب تحس إنها بتتقدم

4- بيئة شغل مريحة

مدير بيسمع – مفيش ضغط مَرَضي – في احترام

طيب ماتخلينا نقول مثال من الواقع عشان نفهم اكتر

شركة خدمة عملاء كانت بتعاني من إن الموظفين بيمشوا بسرعة

بدل ما تزود المرتبات، عملت:

• موظف الشهر

• سيستم شكر علني في التيم

• فرص تدريب وترقي داخلي

والنتيجة كانت

– نسبة الاستقالة قلت

– الأداء اتحسن

– الناس بقت حابة الشغل

طيب ايه الغلطات الشائعة فى الموضوع ده :

زى ان مديرين كتير فاكرين ان الفلوس تحل كل حاجة”

لكن الحقيقة:

– الفلوس لوحدها مش كفاية

– ان الإنسان محتاج تقدير وانتماء

طيب الخلاصة يا عزيزى :

لو عايز موظف يديك أحسن ما عنده:

ما تدّيلوش بس فلوس…

ادّيله إحساس إنه مهم

موضوعات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *